Masallıda İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyinin təşkilatçılığı ilə növbəti “KOB FEST” sərgi-satış yarmarkası baş tutacaq.
Report xəbər verir ki, tədbir sentyabrın 13-15-də təşkil olunacaq. Burada məhsul və xidmətlərini təqdim etmək istəyən Masallı və ətraf bölgələrdən olan KOB subyektləri iştirak edə biləcəklər.
Qatılmaq üçün sentyabrın 9-dək Agentliyin saytındakı müraciət formanı doldurmaq lazımdır. (“İştirak etmək istədiyiniz tədbir” bölümündə “KOB Fest – Masallı” qeyd olunmalıdır).
Yarmarkanın məqsədi KOB subyektlərinin istehsal etdiyi məhsul və xidmətləri tanıtmaq və onların satış imkanlarını genişləndirməkdir. Yarmarka çərçivəsində mədəni-əyləncəli proqram da təşkil olunacaq.
Qeyd edək ki, mikro və kiçik sahibkarların yarmarkada iştirak etməsi üçün ödəniş nəzərdə tutulmur.
