Masallıda “Bacarıqlı əllər” adlı rəsm və əl işlərindən ibarət sərgi təşkil edilib. Bu haqda məlumatı Cenublu.az bu gün, 26 yanvar tarixində verir.
Sərgidə vətənpərvərlik və milli dəyərlər mövzusunda rəsm və əl işləri təqdim olunub. Burada əsas məqsəd 2 fevral – Azərbaycan Gəncləri Gününün qeyd olunması, gənclərin vətənpərvərliyini daha da artırmaq, eyni zamanda rayonda istedadlı gəncləri üzə çıxarmaqdır.
Sonda gənclərə Lənkəran-Astara Regional Gənclər və İdman İdarəsinin və “Masallı Gənclər Evi” SXM-in diplom və sertifikatları təqdim edilib.
Sərgi Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və “Masallı Gənclər Evi” SXM-in birgə təşkilatçılığı ilə baş tutub.
