Masallı rayonunda məktəb şagirdi ümumi təhsilini xüsusi nailiyyətlərlə başa vurduğuna görə "Qızıl Nişan"la təltif olunub. Bu haqda məlumatı Cenublu.az bu gün, 22 iyul tarixində verir.
Dördqat olimpiada medalçısı olan Rövnəq Cəfərov Sığıncaq məktəbi ilə yanaşı, Masallı rayonunu da Respublika səviyyəsində layiqincə təmsil edib. Rövnəq məktəb tarixində olimpiada qalibi olan və qızıl nişanla təltif olunan yeganə şagirddir.
Rövnəq, həmçinin Lənkəran-Astara Regional Təhsil İdarəsi üzrə də qızıl nişanla təltif olunan tək şagirddir.
Qeyd edək ki, Rövnəq Cəfərov ötən il Respublika Fənn Olimpiadasında coğrafiya fənni üzrə I yerə, carı ildə isə II yerə layiq görülüb.
