Masallıda “Xarici dili mənimsəyirik” adlı təlim keçirilib. Bu haqda məlumatı Cenublu.az bu gün, 27 avqust tarixində Masallı RİH-yə istinadən verir.
Masallı rayon Heydər Əliyev Mərkəzi və Gənclərin İnkişaf və Karyera Mərkəzinin Masallı nümayəndəliyinin birgə təşkilatçılığı ilə “Uşaqların asudə vaxtının səmərəli təşkili” layihəsi istiqamətində ingilis dili müəllimi Sadiq Ağayev tərəfindən keçirilən təlimdə azyaşlı məktəblilər iştirak ediblər. Təlimdə Sadiq müəllim məktəblilərə ingilis dilində danışıq qaydalarını videoçarxlardan istifadə edərək öyrədib.
Maraqlı və əyləncəli keçən təlim zamanı uşaqlarla birlikdə enercayzerlər icra olunub.
Təlimdən sonra şagirdlər ekspozisiya zalında yerləşən eksponatlarla tanış olublar. Mərkəzin əməkdaşı ümummilli liderimizin uşaqlıq və gənclik illərini, Azərbaycana rəhbərlik etdiyi illəri əks etdirən foto, sənəd və digər eksponatlarla şagirdləri tanış edib.
