Masallı şəhəri növbəti əmək yarmarkası baş tutub.
Cenublu.az xəbər verir ki, yarmarka Heydər Əliyev Mərkəzində Dövlət Məşğulluq Agentliyinin Lənkəran-Astara Regional Məşğulluq Filialı (RMF) tərəfindən keçirilib.
Əmək Yarmarkasında 180-dən çox işsiz və işaxtaran şəxs iştirak edib. Onlar təqdim olunan iş imkanları ilə tanış olunublar, iş axtaranlar işəgötürənlər ilə birbaşa ünsiyyət quraraq, potensial iş imkanlarını müzakirə ediblər.
Qeyd edək ki, yarmarkada 19 işəgötürən iştirak edərək, müxtəlif sahələrdə 127 vakansiya təqdim edilib. Təqdim olunan vakansiyalar arasında təhsil, tibb, kənd təsərrüfatı, tikinti və xidmət sahələri üzrə işlər mövcud olub.
