Dövlət Məşğulluq Agentliyinin İdarə Heyətinin sədri Masallı və Yardımlı sakinləri ilə görüş keçirəcək. Bu haqda bu gün, 28 iyul tarixində Cenublu.az agentliyə istinadən xəbər verir.
Sədr Mustafa Abbasbəyli 5 avqust tarixində vətəndaşları qəbul edəcək. Görüş Masallı şəhərində baş tutacaq. Mustafa Abbasbəyli işlə təmin olunma, özünüməşğulluq proqramından yararlanma, ictimai işlər, peşəhazırlığı kursları və qurumun fəaliyyətinə aid digər sahələrə dair məsələlərlə bağlı müraciətlər cavablandırılacaq.
Görüşdə iştirak etmək istəyən Masallı və Yardımlı sakinləri 3 avqust saat 14:00-dək (994) 55 900 18 15 telefon nömrəsinə zəng edə və ya [email protected] elektron poçt ünvanına məktub göndərə bilərlər.
Qəbul 5 avqust 2022-ci il saat 11:00-dan etibarən Masallı şəhəri, Qarabağ küçəsi 17 ünvanında yerləşən Heydər Əliyev Mərkəzinin inzibati binasında keçiriləcək.
