Masallı rayon, Ərkivan kənd sakini Cəsarət Nuriyev bir əsrlik ailə peşəsini davam etdirərək 50 ilə yaxındır ki, dulusçuluqla məşğuldur. Bu haqda məlumatı Cenublu.az bu gün, 9 avqust tarixində Azertac-a istinadən verir.
Cəsarət ustanın sözlərinə görə, düzəldilən hər bir qab və fiqur diqqət və zəhmət tələb edir. Hazırda o, məişətdə istifadə olunan müxtəlif növ saxsı qablar hazırlayıb satmaqla məşğuldur. Ailəsini bu peşə ilə dolandıran usta, əsasən dolça, piti qabları, dibçək, güldan, küp və qazanlar hazırlayır ki, bunlara da məişətdə, eləcə də kənd yerlərində daha çox ehtiyac var.
Onun əl işləri müxtəlif festivallarda nümayiş olunub. 2004-cü ildə Rusiyanın Yekaterinburq şəhərində keçirilən Palçıq günü yarışmasında birinci yerə sahib çıxıb.
Qeyd edək ki, dulusçuluq Azərbaycanda ən qədim istehsal sahələrindən biridir və öz əhəmiyyətini günümüzə qədər qoruyub saxlayıb. Arxeoloji tədqiqatlar təsdiqləyir ki, dulusçuluq sənəti Neolit dövrünün yadigarıdır.
[URIS id=21226]
