Bu gün Masallı rayon Gənclər və İdman İdarəsinin yunan-Roma güləşi üzrə məşqçi-müəllimi, bir çox idmançının yetişdirilməsində müstəsna rolu olan Qismət Əkbərovun doğum günüdür.
Qismət Həmdulla oğlu Əkbərov 30 avqust 1990-cı ildə Masallı rayonunun Ərkivan qəsəbəsində anadan olub. 1996-2007-ci illərdə Masallı rayonunun Əlvan Bağırov adına Ərkivan qəsəbə 4 saylı tam orta məktəbində təhsil alıb. 2008-2012-ci illərdə Azərbaycan Bədən tərbiyəsi və İdman akademiyasında təhsil alıb. Daha sonra hərbi xidmətə yollanıb.
O, orta məktəbdə təhsil aldığı illərdən yunan-Roma güləşi ilə məşğul olmağa başlayıb. Tələbəlik illərində Daxili işlər nazirliyinin idman cəmiyətində güləş ilə məşğul olub. 2013-cü ildən Masallı rayon Gənclər və İdman İdarəsinin nəzdində Uşaq Gənclər İdman məktəbində yunan-Roma güləşi üzrə məşqçi-müəllim işləyir.
