Masallıda “Ətraf mühitin çirklənməsinə yox deyək!” devizi altında təmizlik aksiyası keçirilib. Bu haqda məlumatı Cenublu.az bu gün, 27 sentyabr tarixində Masallı rayon Gənclər və İdman İdarəsinə istinadən verir.
Belə ki, parklarda olan ağaclar və güllər budanıb, ağacların dibləri bellənib və ərazilərə atılmış müxtəlif tullantılar təmizlənib.
Aksiyada Masallı rayon Gənclər və İdman idarəsinin, “Masallı Gənclər evi” SXM-in, Masallı regional Mədəniyyət İdarəsinin, Masallı yaşıllaşdırma idarəsinin, Masallı Mənzil Kommunal Təsərrüfatı İstehsalat Birliyinin kollektivi və bir qrup fəal gənc iştirak edib.
Qeyd edək ki, aksiya Masallı şəhər Nizami Gəncəvi adına parkda Masallı rayon Gənclər və İdman İdarəsinin, “Masallı Gənclər evi” SXM-in, Masallı regional Mədəniyyət idarəsinin, Masallı yaşıllaşdırma idarəsinin və Masallı Mənzil Kommunal Təsərrüfatı İstehsalat Birliyinin birgə təşkilatçılığı ilə 27 Sentyabr - Anım Günü münasibəti ilə keçirilib.
