11 yanvar Ziya Bünyadov adına Astara şəhər 2 saylı tam orta məktəbdə "Çempionumuz" sosial idman layihəsi çərçivəsində Sərbəst güləş üzrə məşhur astaralı idmançı və məşqçi Ağayev Aslan Loğman oğlu ilə məktəblilərin görüşü keçirilib. Bu haqda məlumatı Astara rayon Gənclər və İdman İdarəsi paylaşıb.
Aslan Ağayev Astara rayonun Ərçivan qəsəbəsində anadan olub. Məşhur idmançı ikiqat Avropa çempionu, Dünya birinciliyinin bürünc mükafatçısı,
"Azərbaycan Respublikasının Əməkdar məşqçisi", beynəlxalq dərəcəli idman ustasıdır. O, Azərbaycan Respublikası Prezidenti tərəfindən "Tərəqqqi" medalı, III dərəcəli "Əmək" ordeni ilə təltif olunub. Aslan Ağayev 2005-2016-cı illərdə sərbəst güləş üzrə Azərbaycan Respublikasının kişilərdən ibarət yığma komandasının məşqçisi ("Zenit" idman klubunun baş məşqçisi) və 2017-2021-ci illərdən sərbəst güləş üzrə qadınlardan ibarət yığma komandasının baş məşqçisi işləyib.
O, Gənclər və İdman Nazirliyinin 26 oktyabr 2021-ci il tarixli əmrinə uyğun olaraq Astara Olimpiya İdman Kompleksinin direktoru təyin olunub.
[caption id="attachment_8914" align="alignnone" width="300"]
Astara rayon Gənclər və İdman İdarəsi[/caption]
