Əslən Lənkəran rayonunun Xolmili kəndindən olan Aytən Alim qızı Babayevanın Fransada kitabı dərc olunub. Bu haqda məlumatı Cenublu.az bu gün, 16 sentyabr tarixində verir.
Gənc yazarın "Qida pozuntusundan sağalmaq" adlı kitabı Fransanın Səhiyyə Nazirliyi tərəfindən yoxlanılıb və satışa buraxılması üçün icazə verilib. Aytən kitabını 2020-ci ildə yazıb, 2022-ci ildə təsdiq aldıqdan sonra, cari ilin 17 may tarixində kitabın təqdimat mərasimi baş tutub.
Aytən Babayeva 1999-cu ildə Bakıda anadan olub. 2004-cü ildə ailəsi ilə birgə Fransaya köçüb. Məktəbi bitirdikdən sonra Fransanın Roan Normandiya bölgəsində Tibb universitetinə qəbul olub. Hal-hazırda 6-cı kurs tələbəsidir.
Həmyerlimizi təbrik edirik və daha böyük uğurlar arzulayırıq!
[caption id="attachment_23298" align="alignnone" width="336"]
Foto Cenublu.az[/caption]
View this post on Instagram
