Əslən Lənkəranın Mamusta kəndindən olan Aminə Rəhmanova “BP” şirkətinin “Gələcəyin istedadlı qadınları” (Future Female Talent Scholarship) təqaüd proqramının birdəfəlik təqaüdünü qazanıb. Bu haqda məlumatı Cenublu.az bu gün, 20 iyul tarixində verir.
Məlumat üçün bildirək ki, “Gələcəyin istedadlı qadınları” proqramı Amerika, İngiltərə, Sinqapur və Azərbaycanda həyata keçirilir. Proqram 3 ay davam edir və tələbələr “BP”-nin müəssisələrində olaraq praktiki biliklər əldə etməklə yanaşı, peşəkar mühəndislərlə də görüşürlər.
Qeyd edək ki, Aminə Rəhmanova Bakı Ali Neft Məktəbinin (BANM) Neft-qaz mühəndisliyi ixtisasının III kurs tələbəsidir. O, daha öncə "IADC Caspian Chapter"in Şəbəkələşmə Günü tədbirində iştirak edərək SOCAR, “BP” kimi böyük şirkətlərin əməkdaşlarından biliklər alıb.
Həmçinin Aminə Rəhmanova 2021-2022-ci tədris ilinin payız semestri ərzində semestr üzrə 92,25 bal toplayaraq universitetin “Qızıl 10-luq”una daxil olmuşdu.
