Biologiya üzrə fəlsəfə doktoru, əslən Lənkərandan olan Həsən Həsənov
Özbəkistanda vəzifəyə təyin olunub. Bu haqda məlumatı Cenublu.az bu gün, 15 avqust tarixində verir.
Belə ki, o, paytaxt Daşkənddə yerləşən Əl-Biruni Beynəlxalq Məktəbinin (Al-Beruniy İnternational School) STEM Akademiyasının direktoru təyin olunub.
Qeyd edək ki, Həsən Həsənov Gəncə Dövlət Universitetinin “Kimya-biologiya" fakültəsinin bakalavr, ADPİ-nin “İnsan fiziologiyası” fakültəsinin isə magistr pilləsini bitirib. Daha sonra AMEA-nın Mikrobiologiya İnstitutunda təhsilini davam etdirərək biologiya üzrə fəlsəfə doktoru elmi dərəcəsi alıb. Son 10 ildə Azərbaycan Britaniya Kollecində (ABC - Azerbaijan British College) müdir müavini və biologiya müəllimi kimi fəaliyyət göstərib.
Həmçinin Böyük Britaniyanın Derbi Universitetində (University of Derby) Təhsilin idarə olunması və menecerlik diplomunu, daha sonra isə Vulverhempton Universitetində (University of Wolverhampton) direktorluq kvalifikasiyasını əldə edib. Ardıcıl 4 il Təhsil Nazirliyi tərəfindən təşkil olunan qrant müsabiqəsinin qalibi olub.
Mənbə: Bizim Lənkəran
