Mehmanə Mirzəzadə Lənkəran rayonunun Diryan kəndindən olan ilk ali təhsilli xanımdır.
O, 2000-ci il dekabrın 19-da Diryan kəndində anadan olub. 2018-ci ildə Lənkəran şəhər 5 nömrəli tam orta məktəbi bitirən Mehmanə Mirzəzadə elə həmin il Lənkəran Dövlət Universitetinin “Kimya və biologiya müəllimliyi” ixtisasına qəbul olunub.
“Bir vaxtlar qızların oxuması bizim kənddə nadir hal idi. Amma mən bu stereotipi sındıra bildim. İndi kəndimizdən hər il bir neçə qız ali məktəbə qəbul olur. Bu, mənim üçün ən böyük nailiyyətdir”, – deyə o bildirib.
Təhsilini 2023-cü ildə başa vuran gənc müəllimə 2025-ci ildən etibarən Diryan kənd tam orta məktəbində daimi əsaslarla kimya müəllimi kimi fəaliyyət göstərir.
Hazırda o, eyni zamanda Lənkəran rayonunun Jidi kənd ümumi orta məktəbində də dərs deyir.
