Tanınmış repçi Pasterin (Pərviz Quluzadə) Bakıda keçiriləcək konsertinə Lənkərandan pulsuz nəqliyyat təşkil olunacaq. Bu haqda məlumatı Cenublu.az bu gün, 12 iyun tarixində verir.
Belə ki, avtobuslar iyulun 1-i Lənkərandan saat 12:00-da Bakı istiqamətində hərəkət edəcək. Konsert bitdikdən sonra isə gələn dinləyicilər geri qaytarılacaqlar.
Konsert 1 iyul tarixində Bakıda yerləşən Elektra Events Hall-da baş tutacaq.
Qeyd edək ki, Pasterin 27 aprel tarixində işıq üzü görən "Çirkin" albomu artıq 1.000.000-dan çox dinləmə toplayıb.
Konsertə biletləri www.iticket.az saytından və iTicket kassalarından əldə edə bilərsiniz.
Qeyd edək ki, Paster 18 oktyabr 1991-ci ildə Bakıda anadan olub. Talış əsillidir.
