Lənkəranda əməkdar məşqçi, idman ustası, beynəlxalq dərəcəli hakim, Azərbaycan Yoqa Klubunun prezidenti Sevindik Mehdiyev Yoqa sevənlər üçün “master class” təşkil edib.
Cenublu.az Lənkəran-Astara Regional Gənclər və İdman İdarəsinə istinadən xəbər verir ki, tədbir idarənin, Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin və Palıdlı Sahil İstirahət Mərkəzinin birgə təşkilatçılığı ilə həyata keçirilib.
Açıq səma altında baş tutan inklüziv ustad dərsində iştirakçılarına düzgün nəfəs texnikası ilə bədənini dinləmək bacarığı öyrədilib.
Qeyd edək ki, tədbirdə 95 nəfər iştirak edib.
