Lənkəranda şəhid Kənan Axundzadənin mövlud gününə həsr olunmuş tədbir keçirilib. Bu haqda məlumatı Cenublu.az bu gün, 5 avqust tarixində verir.
Tədbir Mədəniyyət Mərkəzində təşkil olunub. Burada ŞİH başçısının müavini – İctimai-siyasi və humanitar məsələlər şöbəsinin müdiri Ülviyyə Əliyeva və digər rəsmilər, şəhid ailələrinin üzvləri, müharibə əlilləri, rayon ictimaiyyətinin nümayəndələri iştirak ediblər.
Görüşdə şəhidin şəxsi əşyalarından və fotolarından ibarət sərgi təqdim olunub və şəhidin həyat yolunu özündə əks etdirən videoçarx nümayiş edilib. Daha sonra şəhidin anasına mərkəzin rəsm studiyasında yağlı boya ilə çəkilmiş Kənan Axundzadənin portreti təqdim edilib.
"Tariximiz qürurumuzdur" layihəsi çərçivəsində keçirilən görüş Lənkəran şəhər Heydər Əliyev Mərkəzinin təşkilatçılığı ilə baş tutub.
