Bir çox valideynlər övladlarının fərdi inkişafı üçün onların məşğul ola biləcəkləri fəaliyyətlər axtarırlar.
Elm xadimlərinin araşdırmalarına görə, uşaqların fərdi inkişafı üçün ən faydalı məşğuliyyətlərdən biri də şahmat idman növüdür. Şahmat oynayanda iki beyin yarımkürəsinin eyni anda işləməsi çox gözəldir. Oyun zamanı həm məntiqi təfəkkürün sürətli inkişafı baş verir, həm də oyunçu mücərrəd düşünməyi öyrənir.
Cənublu.az komandası olaraq valideynlərə Lənkəranda ödənişsiz fəaliyyət göstərən Lənkəran Şəhər Uşaq-Gənclər İdman-Şahmat məktəbini məsləhət görə bilərik.
Məktəblərdə olan 2 növbəli dərs cədvəlinə görə, məktəb həftənin 5 günü, 1-ci növbə səhər saat 9:30-da, 2-ci növbə isə saat 14:00-da şagirdlərini qəbul edir. Təhsil ocağına 4-15 yaş aralığında uşaq və yeniyetmələri qeydiyyatdan keçirmək olar.
Təhsil Nazirliyinin nəzdində fəaliyyət göstərən məktəbdə qeydiyyat 1 oktyabra qədərdir. Qeydiyyatdan keçmək və ətraflı məlumat əldə etmək üçün nömrə: +994 51 505 97 17 Zəminə Məmmədova.
