Lənkəranda yerləşən “O biri otaq”da ödənişsiz film gecəsi baş tutacaq. Bu haqda məlumatı Cenublu.az bu gün, 14 iyul tarixində verir.
Belə ki, 15 iyul saat 17:00-da “Yapon və Yaponiyalı” filmi nümayiş olunacaq. Film 26 dəqiqə davam edir.
Film qıyıq gözlərinə görə “yapon” adlandırılan balıqçı Gülbaladan bəhs edir. O, bir gün dənizə düşən əsl yapon kamikadzeni xilas edib evə gətirir. Yaponiyalı Gülbala və onun kor anası ilə birlikdə yaşamağa başlayır. O, tapşırığı yerinə yetirə bilmədiyi üçün kədərlənir, hər dəfə harakiriyə cəhd edəndə Gülbala və anası ona mane olurlar.
Filmi izləmək istəyənlər (050) 531-92-94 nömrəsi vasitəsilə qeydiyyatdan keçə bilərlər.
