Lənkəran şəhərində baharın gəlişi münasibətilə “NovruzFest” festivalı baş tutb. Bu haqda məlumatı Cenublu.az bu gün, 18 mart tarixində verir.
Tədbir Heydər Əliyev Xatirə parkında keçirilib. Açılış mərasimində Lənkəran ŞİH başçısının müavini Ülviyyə Əliyeva, Gənclər və İdman Nazirliyinin Gənclərlə iş şöbəsinin müdiri Ramil Cabbarov, Lənkəran–Astara Regional Gənclər və İdman İdarəsinin rəisi Teymur Babazadə çıxış ediblər.
Festival çərçivəsində Gənclər Evlərinin Novruz sərgisi, Lənkəran Gənclər Evinin qarşısında yerləşən ərazidə Novruz səhnəsi, milli-mənəvi dəyərlərlə bağlı fəaliyyətlər, folklor, musiqi və tanınmış müğənnilər tərəfindən ifalar, nümunəvi idman çıxışları və dronlarla hazırlanmış şou nümayiş etdirilib.
Festivala 3000-dən çox insan iştirak edib.
Tədbir Gənclər və İdman Nazirliyinin təşkilatçılığı ilə həyata keçirilib.
