Lənkəranda Novruz bayramı münasibətilə festival təşkil olunacaq. Bu haqda məlumatı Cenublu.az bu gün, 15 mart tarixində verir.
Tədbir 17 mart tarixində saat 12:00-da Heydər Əliyev xatirə parkında baş tutacaq. Festivalın proqramı çərçivəsində sərgilər keçiriləcək, milli-mənəvi dəyərlərimizlə bağlı fəaliyyətlər, folklor, musiqi və ifalar nümayiş etdiriləcək.
Festivalın keçirilməsində məqsəd Novruz ənənələrinin gənclər arasında təbliğ olunması, yaşadılması, region gənclərinin sosial mədəni həyatına, bayram əhvali-ruhiyyəsinin artırılmasına töhfə vermək, eyni zamanda insanlar arasında birlik və mehribanlığı möhkəmləndirməkdir.
Mərasim Gənclər və İdman Nazirliyinin təşkilatçılığı ilə baş tutacaq.
