Lənkəranda kitab sərgisi keçiriləcək. Bu haqda məlumatı Cenublu.az bu gün, 18 fevral tarixində verir.
Ölkənin aparıcı nəşriyyatlarının iştirakı ilə baş tutacaq sərgidə 90%-dək endirimlər tətbiq olunacaq. Kitab bayramında tanınmış ədiblərin iştirakı ilə təqdimatlar, imza mərasimləri, konsert proqramları, şeir gecələri, uşaqlar üçün nağıl saatları və master-klaslar keçiriləcək.
Sərgi Lənkəran şəhər Heydər Əliyev Mərkəzində 10, 11 və 12 mart saat 10:00-dan 19:00-dək baş tutacaq.
Lənkəran Kitab Sərgisi Azərbaycan Nəşriyyatları Assosiasiyası, Azərbaycan Respublikası Mədəniyyət Nazirliyi və Lənkəran şəhər İcra Hakimiyyətinin birgə təşkilatçılığı ilə həyata keçiriləcək.
