Lənkəran şəhər Heydər Əliyev Mərkəzində ümummilli lider Heydər Əliyevin 100 illik yubileyinə həsr olunan "Azərbaycan mədəniyyəti Heydər Əliyev işığında" layihəsi çərçivəsində Xalq şairi Məmməd Arazın 90 illik yubileyinə həsr olunan "Azərbaycan dünyam mənim" adlı tədbir keçirilib. Bu haqda məlumatı Cenublu.az bu gün, 23 dekabr tarixində verir.
Çıxış edənlər Xalq şairi Məmməd Arazın həyat və yaradıcılığından danışıb, onunla bağlı xatirələrini söyləyib, onun poeziyasının Azərbaycanın müstəqilliyi uğrunda mübarizə aparan igidlərimizin ilham mənbəyi olduğunu, bu gün məktəblilərin, gənclərin əsl vətəndaş kimi formalaşmasında müstəsna rolu olduğunu bildiriblər.
Sonra rayon məktəblərinin qiraətçiləri şairin şeirlərini ifa ediblər. Müsabiqədə qalib olan istedadlı şagirdlər Heydər Əliyev Mərkəzinin hədiyyə və fəxri diplomları ilə təltif olunublar.
Lənkəran şəhər Heydər Əliyev Mərkəzinin və Azərbaycan Yazıçılar Birliyinin Lənkəran bölməsinin birgə təşkilatçılığı ilə baş tutan tədbir musiqi və rəqs nümunələri ilə davam edib.
