Lənkəranda "Məktəblinin dostu" layihəsi çərçivəsində məktəblinin dostu vəzifəsinə işə qəbul prosesi davam edir. Bu haqda məlumatı Cenublu.az bu gün, 8 fevral tarixində verir.
Məktəblinin dostu vəzifəsinə işə qəbul müsabiqəsinin test imtahanı mərhələsinin nəticələri elan edilib. İmtahanda namizədlərə 50 sual təqdim edilib, hər sual 1 bal olaraq dəyərləndirilib. Lənkəran şəhəri üzrə keçid balı 21 bal müəyyən edilib.
Növbəti - müsahibə mərhələsi 12-21 fevral tarixlərində Lənkəranda keçiriləcək.
Namizədlərə müsahibənin vaxtı və yeri barədə məlumat verilib.
Qeyd edək ki, müsahibəyə gələrkən şəxsiyyət vəsiqəsi, diplom və hərbi bileti (kişilər) gətirmək mütləqdir.
“Məktəblinin dostu” vəzifəsinə işçi qəbulu bir neçə mərhələdən ibarətdir. Test imtahanını uğurla keçən namizədlər müsahibəyə çağırılırlar. Müsahibədən keçənlər təlimə cəlb olunacaqlar. Təlimləri uğurla başa vuranlar işə qəbul olunacaqlar.
