Lənkəranda “Liderlik bacarıqlarının artırılması” adlı təlim təşkil olunub. Bu haqda məlumatı Cenublu.az bu gün, 31 yanvar tarixində verir.
“Gənclər həftəsi” çərçivəsində keçirilən tədbir Gənclər Evində baş tutub. Burada liderlik anlayışı və onun başlıca xüsusiyyətləri, liderlik bacarıqlarının inkişaf etdirilməsi, məqsəd və hədəflərin düzgün müəyyən edilməsi, komanda ilə işin səmərəli qurulması barədə ətraflı məlumat verilib.
Yekunda mövzu ilə bağlı praktiki tapşırıqlar yerinə yetirilib.
Seminar Lənkəran-Astara Regional Gənclər və İdman İdarəsinin təşkilatçılığı ilə həyata keçirilib.
