Dövlət Məşğulluq Agentliyinin Mərkəzi Karyera filialı tərəfindən Lənkəran şəhərində “İxtisas bələdçisi” forumu keçiriləcək. Bu haqda məlumatı Cenublu.az bu gün, 29 iyul tarixində verir.
Tədbir 16 avqust tarixində 10:00-14:00 saatlarında M.Bağırov adına 1 nömrəli tam orta məktəbdə baş tutacaq.
Forumda abituriyentlərlə yanaşı, 9-11-ci sinif ümumi orta məktəb şagirdləri və onların valideynləri, müəllimlər, təhsil ekspertləri, karyera məsləhətçiləri iştirak edə bilərlər.
Qeydiyyat üçün adıçəkilən məktəbə 16 avqust tarixində saat 09:00-10:00 aralığında əyani şəkildə yaxınlaşmaq lazımdır.
