Apteklər sakinlərin gündəlik həyatında çox mühüm rol oynayır. Bəzən təcili dərmanlara ehtiyac olur, səhərə qədər aptekin açılmasını gözləmək mümkun olmur. Bu kimi hallar şəhər və ətraf rayonların sakinləri üçün nəinki narahatlıq, həm də ciddi problemlər yarada bilər.
Cenublu.az izləyicilərinin çoxsaylı müraciətlərinə nəzərə alaraq, bizim komanda Lənkəran şəhərində gecə saat 00:00-dan sonra xidmət göstərən apteklərlə əlaqə saxlayıb onlar haqqında məlumat hazırlayıb.
Ələt-Astara magistral yolunun Şiləvar kəndi ərazisindən keçən hissəsində, “Tuado” çay evinin yanında yerləşən aptek 02:30-a kimi fəaliyyət göstərir.
Həzi Aslanov küçəsində yerləşən “Həyat aptek” saat 03:00-a kimi sakinlərə xidmət göstərir.
10 nömrəli məktəbə gedən yolda, Tofiq İsmayılov küçəsində yer alan “Dokta aptek” isə gecə saat 01:00-a kimi açıq olur.
Zərifə Əliyeva küçəsində yerləşən və “Starway” hotelinin yanında olan “Evro aptek” gecə saat 02:00-a kimi fəaliyyət göstərir.
