Lənkəranda Cənub regionun bütün yaş qruplarından olan oğlan və qızlar arasında “Zəfər Qaçışı” devizi altında qaçış təşkil olunacaq.
Cenublu.az xəbər verir ki, Zəfər Gününə həsr olunmuş qaçış Lənkəran-Astara Regional Gənclər və İdman İdarəsinin təşkilatçılığı ilə baş tutacaq.
Belə ki, qaçış noyabrın 5-i saat 09:00-dan Lənkəran Gənclər Evinin qarşısından start götürəcək və Lənkəran Olimpiya İdman Kompleksində finiş olacaq. Burada qalib gələnlər diplom, medal və hədiyyələrlə təltif olunacaqlar.
Daha sonra Lənkəran Olimpiya İdman Kompleksinin stadionunda rayonun idman ictimaiyyətinin nümayəndələri tərəfindən kütləvi açıq idman tədbiri keçiriləcək.
Sonda isə konsert proqramı təşkil ediləcək.
Yarışa qatılmaq üçün qeydiyyatdan keçmək lazımdır.
Əlaqə üçün: (+994 50) 748 68 78.
