Lənkəran–Astara Regional Gənclər və İdman İdarəsinin təşkilatçılığı ilə ermənilər tərəfindən işğal edilmiş ərazilərimizdəki maddi və mədəni sərvətimizin – çoxsaylı tarixi abidələrin necə dağıdıldığını, məhv edildiyini gənc nəslə çatdırmaq məqsədilə "Erməni vandalizmi: Qərbi Azərbaycan abidələri" adlı film nümayiş olunub. Bu haqda məlumatı Cenublu.az bu gün, 11 iyul tarixində verir.
Filmdən öncə Lənkəran–Astara Regional Gənclər və İdman İdarəsinin əməkdaşı erməni vandalları tərəfindən işğal olunmuş ərazilərimizdə tarixi və memarlıq abidələrimizin büsbütün dağıdıldığı, talan edildiyini diqqətə çatdırıb. O, erməni vəhşiliklərini əks etdirən məlumatların dünya ictimaiyyətinə daha ətraflı çatdırılmalı olduğunu qeyd edib. Dünya ictimaiyyəti bilməlidir ki, əslində soyqırımını törədənlər qəsbkar ermənilərdir.
