Lənkəranda "Bəbirləri mühafizə edək!" adlı ekoloji yay düşərgəsi keçirilib. Bu haqda məlumatı Cenublu.az bu gün, 27 iyul tarixində Report.az-a istinadən verir.
Leyla Əliyevanın təşəbbüsü ilə start verilən "Qafqaz bəbirlərinin mühafizəsi" layihəsi üzrə keçirilən düşərgəyə Lənkəran, Masallı və Astara rayonlarından ümumilikdə 30 məktəbli qoşulub.
Düşərgə çərçivəsində məktəblilər Qafqaz bəbirinin qorunması, insan və ətraf mühit mövzularında seminarlarda, bəbirlərin yaşadığı təbii mühitə ekskursiyalarda, müxtəlif ekoloji tədqiqat və müsabiqələrdə iştirak ediblər.
“Yaşıl dünya naminə həmrəylik ili” çərçivəsində keçirilən düşərgə IDEA İctimai Birliyi, Azərbaycan Respublikasının Gənclər Fondu, Ümumdünya Təbiəti Mühafizə Fondunun (WWF) Azərbaycan nümayəndəliyi və Təhsil Nazirliyinin Respublika Uşaq Gənclər İnkişaf Mərkəzi tərəfindən təşkil olunub.
