Lənkəran KOBİM tərəfindən “Biznesin təşkili və idarə olunması” və “Pərakəndə ticarətdə satış və marketinq strategiyası” mövzularında seminarlar keçirilib. Bu haqda məlumatı Cenublu.az bu gün, 28 dekabr tarixində verir.
Təlimlərə 8 nəfər sahibkar və biznesə yeni başlamaq istəyən şəxs qoşulub. Onlara müasir idarəetmənin əsas məqsədləri, menecer işi, idarəetmə fəaliyyətinin əsas elementləri, şirkətlərdə planlaşdırmadan necə və nə üçün istifadə edilir, eyni zamanda idarəetmənin strukturu, kommunikasiyalar, pərakəndə ticarətdə alıcı davranışı və modelləşdirilməsi, alıcı davranışına təsir edən amillər, ticarətin nəzəri-təcrübi əsasları barədə ətraflı məlumat verilib.
Sonda mövzular ətrafında müzakirələr aparılıb və iştirakçıların sualları cavablandırılıb.
Xatırladaq ki, Lənkəran KOBİM tərəfindən göstərilən bütün xidmətlər ödənişsizdir.
