Lənkəran-Astara Regional Məşğulluq filiallarının təşkilatçılığı ilə Lənkəran rayonunda əmək yarmarkası baş tutub. Bu haqda məlumatı Cenublu.az bu gün, 26 iyul tarixində verir.
Aktiv məşğulluq tədbirlərində dövlət və özəl sektordan olan 34 müəssisə iştirak edib və 225 vakansiya təqdim edilib.
Yarmarkada işəgötürənlər tərəfindən vətəndaşlara vakansiyaların tələbləri barədə məlumat verilib, uyğun namizədlərlə ilkin müsahibələr aparılıb və CV-ləri qəbul edilib.
Həmçinin tədbirdə işsiz və işaxtaran şəxslər Agentliyin icra etdiyi digər aktiv məşğulluq tədbirləri barədə də məlumat əldə edə biliblər.
