Lənkəranda “O biri otaq” sosial biznes platformasının təşkilatçılığı ilə film gecəsi keçiriləcək. Bu haqda bu gün, 31 avqust tarixində Cenublu.az “O biri otaq”a istinadən xəbər verir.
“Tor coffee shop”da baş tutacaq təqdimatda “Seven” filmi nümayiş etdiriləcək. Xristianlığın 7 ölümcül günahını törədənləri öz qəddar üsulları ilə öldürən qatil və onu təqib edən iki polis detektivi haqqında olan filmdə baş rolu Bred Pitt və Morqan Friman bölüşür.
Film gecəsi 3 sentyabr saat 16:00-da keçiriləcək. İzləyicilərə popcorn və cola verildiyi film gecəsinə giriş 3 manat təşkil edir.
