Lənkəran Rayon Mərkəzi Xəstəxanasının nəzdində olan Lənkəran Regional Perinatal Mərkəzin həkimi İlqar Mustafa oğlu Rəhimov Prezidentin Sərəncamı ilə səhiyyə sahəsində səmərəli fəaliyyətlərinə görə “Tərəqqi” medalı ilə təltif olunub. Bu haqda məlumatı Cenublu.az 27 iyul tarixində TƏBİB-ə istinadən verir.
İlqar Rəhimov 1964-cü ildə Bakı şəhərində anadan olub. 1981-1987-ci illərdə Azərbaycan Tibb Universitetində təhsil alıb. 1988-ci ildən Lənkəran rayon Mərkəzi Xəstəxanasının Qəbul şöbəsində həkim-reanimatoloq, 1998-2006-ci illərdə həmin tibb müəssisəsinin Anesteziologiya, reanimasiya və intensiv terapiya şöbəsinin müdiri, 2006-2021-ci illərdə Lənkəran Müalicə Diaqnostika Mərkəzinin Anesteziologiya, reanimasiya və intensiv terapiya şöbəsinin müdiri vəzifələrində çalışıb.
2021-ci ildən isə Lənkəran Regional Perinatal Mərkəzin Anesteziologiya, reanimasiya və intensiv terapiya şöbəsinin müdiri kimi fəaliyyət göstərir.
