Cəmiyyət üçün savadlı həkim, müəllim, iqtisadiyyatçı və s. ilə yanaşı, öz işinin öhdəsindən sevə-sevə gələn peşəkar sənətkarların olması çox vacibdir. Bu baxımdan yükün çox hissəsi təhsil ocaqlarının və müəllimlərimizin üzərinə düşür. Məhz onların yeniyetmələri lazımi peşələrə yönləndirməkdə böyük rolları var.
Bu gün sizə təqdim edəcəyimiz Yusif Taleh oğlu Abbaszadə artıq gənc yaşlarından öz işini sevərək yerinə yetirir. Öz peşəsinə həvəsinin hələ uşaq yaşlarından olduğunu deyir. Babası yük maşınını təmir edəndə durub saatlarla ona baxıb. Böyüyəndə avtomobil ustası olmağı arzulayıb. Elə bu səbəbdən də 2021-ci ildə Xanbulan kənd tam orta məktəbinin 9-cu sinfini bitirdikdən sonra avtomobil təmiri sexində usta yanında şagird kimi işə başlayıb. Hal-hazırda usta köməkçisi işləyir. Yusifin ustası Elçin usta deyir ki, Yusif sexə gələndə bu sənətə o qədər həvəs göstərdi ki, tez bir zamanda usta köməkçisi oldu. O, Yusifin gələcəkdə peşəkar usta olacağına əmin olduğunu bildirib.
Mənbə: Xanbulan kənd tam orta məktəbi
