Lənkəran Dövlət Dram Teatrında İlqar Fəhminin "Şahnamə" əsərinin motivləri əsasında Tərlan Abdullayevin quruluş verdiyi "Qanlı namə" adlı tamaşa nümayiş olunacaq. Bu haqda məlumatı Cenublu.az bu gün, 15 fevral tarixində verir.
Tamaşa Türkiyədə zəlzələdə həyatını itirənlərə ithaf olunur və əldə olunan bütün gəlir zərərçəkmiş şəxslər üçün yaradılmış yardım fonduna köçürüləcək.
Tamaşa 18 fevral saat 17:00-da nümayiş olunacaq. Tarixi faktlara əsaslanan bu səhnə əsərində 42 il Səfəvi imperiyasının başında olmuş I Şah Abbasın hakimiyyətinin ilk yeddiillik dövrü öz əksini tapır. Uşaq ikən gözü qarşısında anası öldürülən Şah Abbas qisas hissi ilə yaşayır və nəticədə öz məqsədinə çatır.
Biletləri teatrın kassasından əldə etmək olar. Qiymət 3 manat təşkil edir.
Ətraflı məlumat üçün: (+994) 51 601 31 40; (025) 25 5 49 75.
