Lənkəran Dövlət Dram Teatrı Lerik Mədəniyyət Mərkəzinin səhnəsində 20 Yanvar faciəsinin ildönümünə həsr olunmuş "Azadlıq qatarı" ədəbi-bədii kompozisiyası ilə çıxış edib. Bu haqda məlumatı Cenublu.az bu gün, 20 yanvar tarixində verir.
Tamaşadan əvvəl 20 Yanvar şəhidlərinin ruhu bir dəqiqəlik sükutla yad edilib.
Qeyd edək ki, kompozisiyanın müəllifi və quruluşçu rejissoru Emil Əskərov, musiqi tərtibatçısı Fərahim Fərəcovdur. Rolları Xalq artisti Qabil Quliyev, Əməkdar artist Sucəddin Mirzəyev, aktyorlar Miraslan Ağayev, Allahverən Babayev, Səyad Əliyev, Təranə Fərəcova, Məleykə Cəfərova və Əlirza Şahbazi ifa ediblər.
