29 yanvar saat 14:00-da Lənkəran KOBİM tərəfindən "Dövlətin antiinhisar siyasəti" mövzusunda təlim keçiriləcək. Bu haqda məlumatı Lənkəran KOBİM-in rəsmi Facebook səhifəsi verib.
Təlimdə təlimçi-ekspert Həsən Rəhimli tərəfindən aşağıdakı mövzulardan danışılacaq:
- Bazar hökmranlığı: inhisarçılıq (monopoliya);
- Monopoliyanın yaranma səbəbləri və növləri;
- Monopoliyanın biznes mühitinə təsiri;
- Bazarın inhisarçılıq səviyyəsinin ölçülməsi;
- Bazarlarda rəqabət mühitinin formalaşmasının dövlət mexanizmi;
- Monopoliya bazarlarının dövlət tənzimlənməsi mexanizmi: dövlətin antiinhisar siyasəti
- Antiinhisar siyasətin hədəfləri, istiqamətləri, metodları və icraçı dövlət qurumları;
- Beynəlxalq hesabatlar əsasında Azərbaycanda biznes mühitinin rəqabət və inhisar səviyyəsinin qiymətləndirilməsi.
İştirak etmək üçün (+994 77) 271 25 00 nömrəsi ilə əlaqə saxlaya və ya [email protected] elektron poçt ünvanına müraciət edə bilərsiniz.
Birbaşa qeydiyyatdan keçmək üçün link: https://forms.gle/ebCfoWZ7SKntFGrq8
Ünvan: Lənkəran, Professor H.Abdullayev küçəsi 7.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
