Dövlət Məşğulluq Agentliyinin Mərkəzi Aran Regional Məşğulluq filialının dəstəyi ilə Lənkəran-Astara Regional Məşğulluq filalının təşkilatçlığı ilə Cəlilabad şəhərində əmək yarmarkası keçiriləcək. Bu haqda məlumatı Cenublu.az bu gün, 20 fevral tarixində verir.
Yarmarka Cəlilabad şəhəri, Heydər Əliyev küçəsi, 144 (Heydər Əliyev Mərkəzinin inzibati binası) ünvanında 23 fevral saat 11:00-da başlayacaq.
Tədbirdə Cəlilabad rayonu üzrə 19 müəssisə tərəfindən 431-dən artıq vakansiyanın əmək yarmarkasına çıxarılması nəzərdə tutulub.
“Agro Export Azerbaijan” MMC və “OBA Market” MMC-də qeyd olunan vakansiyalar üzrə işə qəbul olunmaq istəyən şəxslər göstərilən tarixdə müvafiq ünvana yaxınlaşa bilərlər.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır. Əgər CV-niz yoxdursa, Dövlət Məşğulluq Agentliyi tərəfindən istifadəyə verilən “CV Yarat” platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib qısa müddətdə öz CV-nizi PDF formatında əldə etmək mümkündür.
