Gənclərin şəxsi bacarıq və biliklərinin inkişaf etdirilməsi məqsədilə Astara GİKM tərəfindən müxtəlif tədbirlər təşkil olunacaq. Bu haqda məlumat Astara Gəncləri rəsmi Facebook səhifəsində paylaşılıb.
Gənclərin İnkişafı və Karyera Mərkəzi Astara nümayəndəliyinin hazırladığı fəaliyyət planını təqdim edirik:
18 yanvar saat 15:00-da Cenublu.az-ın haqqında məlumat verdiyi "Şeyx Nizami təsviri" mövzusunda intellektual yarışma keçiriləcək.
19 yanvar saat 16:00-da gənc tədqiqatçılar "Veqanizm nədir" mövzusunda araşdırmalar aparacaqlar.
20 yanvar saat 15:00-da gənclər "Motivasiya klubu" layihəsi çərçivəsində motivasiya mövzusunda daha ətraflı məlumatlar alacaqlar.
21 yanvar tarixində gəncləri 1 gündə 2 tədbir gözləyir. Saat 15:00-da gənclər "Həzi Aslanovun həyatı" mövzusunda təqdimat keçirəcək. Saat 16:00-da isə mərkəz tərəfindən "Şəxsi inkişaf təlimləri" baş tutacaq.
Əgər sən də şəxsi bilik və bacarıqlarını inkişaf etdirmək istəyirsənsə, Astara Gəncləri rəsmi Facebook səhifəsinə müraciət edərək Astara GİKM üzvü ola bilərsən.
