27 yanvar saat 19:00-dan 20:00-a kimi "İdeyadan Fəaliyyətə" proqramı çərçivəsində "Cənub Ekoturizmi" təşəbbüsü ilə “Ekoturizm nədir?", "Tur paketlərin hazırlanması zamanı nələrə diqqət edilməlidir?" kimi mövzular canlı yayımda müzakirə olunacaq. Bu haqda məlumat sosial şəbəkələrdə paylaşılıb.
Canlı yayımı "Şəfəq" Ekoturizm İctimai Birliyinin Prezidenti, turizm mövzusunda 20-dən çox layihənin rəhbəri Vamiq Babayev aparacaq.
Yayım @ecotourismazerbaijan İnstagram səhifəsində yayımlanacaq.
Qeyd edək ki, Education HUB-ın "İdeyadan faəliyyətə" proqramı Lənkəranda gənc liderlərin yetişdirilməsi və könüllü anlayışının formalaşdırılması məqsədilə həyata keçirilir. Proqram ABŞ-ın Azərbaycandakı səfirliyinin dəstəyi ilə baş tutur.
