Qapıçıməhəllə kəndi Astara şəhərindən 10 km cənub-qərb istiqamətində, Astaraçay çayının sahilində, Lənkəran ovalığında yerləşir.
Kəndin əsl adı Qıpçaqməhəllə olub, lakin sonralar fonetik dəyişikliyə uğradığından Qapıçıməhəllə formasını alıb [1]. “Qıpçaqməhəllə” adı “qıpçaqlar yaşayan məhəllə” mənasını verir [3]. Bu kəndin əhalisi türk tayfası olan qıpçaqlardandır [1].
Yazıçı Musarza Mirzəyevin fikrincə, kənd sərhədə yaxın olan ərazidə yerləşdiyindən “Qapıçı məhəlləsi” adlandırılıb [2].
Bu kənddə bir neçə tarixi abidə mövcuddur: VII əsrə aid karvansaranın qalıqları, VIII-XV əsrlərə aid yaşayış yeri, XX əsrə aid kənd məscidi və s. [4].
Əhali, əsasən, sitrusçuluq, tərəvəzçilik və heyvandarlıqla məşğuldur. 2013-cu ilin statistik göstəricilərinə əsasən, bu kənddə 655 nəfər yaşayıb [5].
Ədəbiyyat:
