Lənkəran şəhər 7 nömrəli tam orta məktəbin məzunu Mələkfatimə Rzazadə iki Avropa universitetinə daxil olub. Bu haqda məlumatı Cenublu.az bu gün, 26 sentyabr tarixində Lənkəran şəhər Azər Məhərrəmov adına 7 nömrəli tam orta məktəbin Facebook səhifəsinə istinadən verir.
Belə ki, o, İELTS imtahanından 8.0 bal (maksimum - 9.0 bal) və SAT imtahanından 1450 bal (maksimum - 1600 bal) toplayaraq Hollandiya və Belçika universitetlərindən təklif alıb.
Mələkfatimə Rzazadə daha öncə FLEX (Gələcək Liderlərin Mübadiləsi) proqramını qazanaraq 1 il ABŞ-də ödənişsiz təhsil almaq və yaşamaq şansı qazanıb. Hal-hazırda o, Amerikada FLEX proqramı üzrə orta təhsilini davam edir.
Qeyd edək ki, o, həmçinin Azərbaycan Avropa Gənclər Parlamentində Milli Komitənin üzvüdür.
