Cenublu.az-a daxil olan çoxsaylı xahişləri nəzərə alaraq, izləyicilərimiz arasında Cənub zonasının ən məsləhətli ailəvi istirahət məkanları barədə sorğu keçirdik. Sorğunun nəticələrini bu gün, 27 avqust tarixində sizinlə paylaşırıq.
İlk olaraq səyahətimizi füsunkar təbiəti və müasir görünüşü olan Masallı rayonunda yerləşən istirahət mərkəzlərindən salaq.
Belə ki, izləyicilərimizin məsləhət gördükləri ailəvi istirahət mərkəzləri bunlardır:
“Rüdəkənar” istirahət mərkəzi rayonun Rüdəkənar kəndi ərazisində yerləşir. Məkanda uşaqlar üçün yelləncəklər və bilyard masası mövcuddur.
“Döngə” restoranı Heydər Əliyev prospektində yerləşir. Zəngin menyusu olan restoranda, həmçinin ad günü və digər mərasimləri qeyd etmək olar.
“Masallı hotel” Heydər Əliyev, 18 ünvanında yerləşir. Şəhərin mərkəzində kənd ab-havası yaşamaq istəyənlər üçün bu 3 ulduzlu hotel əla seçimdir. Həmçinin istirahət mərkəzinin ərazisində restoranlar və barlar fəaliyyət göstərir.
“Masallı hotel İstisu” istirahət mərkəzi İstisu qəsəbəsində yerləşir. Burada qonaqlara restoranlar, uşaqlar üçün attraksionlar, gecələmək üçün kotteclər və otaq nömrələri təklif olunur.
“Alvadı göl” istirahət mərkəzi rayonun Alvadı kəndindədir. Mərkəzin ərazisində fəaliyyət göstərən restoran gölün üzərində yerləşir. Həmçinin müştərilərə gecələmək üçün otaqlar və kotteclər təklif olunur.
“Baba bulağı” istirahət mərkəzi rayonun Mahmudavar kəndində yerləşir. Burada göl mənzərəli restoran və uşaqlar üçün müxtəlif attraksionlar yerləşir.
“Dəmirağac” istirahət mərkəzi İstisu yolunun 18-ci km-də yerləşir. Təbiətin qoynunda, şəhərin səs-küyündən uzaqda qalmaq istəyənlərin seçimi olan bu məkanda gecələmək üçün qonaqlara kotteclər təklif olunur.
“Qamo” istirahət mərkəzi passiv istirahəti sevənlər üçündür. Burada qonaqlara hovuz, akvapark, uşaqlar üçün attraksionlar, restoranlar və kotteclər təklif olunur.
“İstisu” sanatoriyası həm müalicə almaq, həm də istirahət etmək istəyənlər üçün əlverişli seçimdir. Burada müştərilərə sərfəli qiymətə müalicə paketi təqdim olunur.
“Qala” istirahət mərkəzi Masallı-Yardımlı şosesinin 16-cı km-də yerləşir. Məkanın ərazisində gecələmək üçün kottec, uşaqlar üçün yelləncəklər və restoran fəaliyyət göstərir.
