Cənubun ümumtəhsil müəssisələrində vakansiyalar var

Lənkəran-Astara Regional Təhsil İdarəsinin tabeliyində fəaliyyət göstərən ümumtəhsil müəssisələrindəki vakant iş yerlərinə qəbul prosesi ilə bağlı sənəd qəbuluna başlanılır.

Cenublu.az idarəyə istinadən xəbər verir ki, vakant yerlər tədris (təlim-tərbiyə) işləri üzrə direktor müavini, eləcə də məktəbdənkənar və sinifdənxaric tərbiyə işi üzrə təşkilatçı vəzifəsidir.

Sənəd qəbulu 16 oktyabr 2024-cü il tarixindən 30 oktyabr 2024-cü il saat 17:00-dək davam edəcək.

Müraciət etmək istəyən şəxslər zəruri sənədləri iş günləri ərzində saat 10:00-dan 17:00-dək Lənkəran-Astara Regional Təhsil İdarəsinin müvafiq rayon təhsil sektorlarına təqdim etməklə qeydiyyatdan keçə bilərlər.

Müsabiqədə iştirak üçün tələb olunan sənədlər:

•  şəxsiyyəti təsdiq edən sənədin surəti;


• əmək kitabçasının surəti;


• ali təhsil haqqında sənədin və əlavəsinin surəti.

• pedaqoji ixtisas üzrə ali təhsil;


• 3 ildən az olmayaraq pedaqoji staj;


• hazırda ümumi təhsil müəssisəsində pedaqoji fəaliyyət göstərməsi;


• sonuncu iştirak etdiyi müsabiqədə qiymətləndirmə nəticəsinin 70%-dən yuxarı olması (MİQ, DQ və ya sertifikatlaşdırma balı).

• Qeydiyyat və sənədlərin yoxlanışı;


• Onlayn platformada 30 saatlıq təlim (minimum iştirak tələbi-27 saat);


• Onlayn test imtahanı;


• Əyani test imtahanı;


• Müsahibə.

Aşağıdakı keçidlərdən istifadə edərək Lənkəran-Astara Regional Təhsil İdarəsinin tabeliyində olan məktəblər üzrə vakansiyalarla tanış olmaq mümkündür:

Tədris (təlim-tərbiyə) işləri üzrə direktor müavini vəzifəsi üzrə vakant yerlər - https://shorturl.at/E9gxa

Məktəbdənkənar və sinifdənxaric tərbiyə işi üzrə təşkilatçı vəzifəsi üzrə vakant yerlər - https://shorturl.at/UkPSH

Yeni vakansiyalar yarandıqca hazırda təqdim olunan siyahıya əlavələr ediləcəyi bildirilib.