Sitrus bağlarının salınmasına dövlət dəstəyi tədbirləri davam edir.
Cenublu.az Azərbaycan Kənd Təsərrüfatı Nazirliyinə istinadən xəbər verir ki, Aqrar Subsidiya Şurasının qərarına əsasən, 2024-cü il sentyabrın 1-dən 2025-ci il mayın 31-dək salınan intensiv naringi və portağal bağlarının hər hektarına görə fermerlərə 9600 manat əkin subsidiyası ödəniləcək.
İntensiv naringi və portağal bağı dedikdə damcı suvarma sistemi ilə təmin olunmuş, bir hektarda minimum 650 ədəd ting əkilmiş naringi və portağal bağları nəzərdə tutulur.
Əkin subsidiyası yalnız Astara, Lənkəran, Masallı rayonlarında və Lerik rayonunun dəniz səviyyəsindən 300 metr aşağıda yerləşən ərazilərində salınmış naringi və portağal bağlarına veriləcək.
