Cənub bölgəsində sitrus bağlarının salınmasına dövlət dəstəyi tədbirləri davam edir.
Cenublu.az Kənd Təsərrüfatı Nazirliyinə istinadən xəbər verir ki, Aqrar Subsidiya Şurasının qərarına əsasən, 2024-cü il sentyabrın 1-dən 2025-ci il mayın 31-dək salınan intensiv limon və kinkan bağlarının hər hektarına görə fermerlərə 11600 manat əkin subsidiyası ödəniləcək.
İntensiv limon və kinkan bağı dedikdə damcı suvarma sistemi ilə təmin olunmuş, bir hektarda minimum 650 ədəd ting əkilmiş limon və kinkan bağları nəzərdə tutulur.
Əkin subsidiyası yalnız Astara, Lənkəran, Masallı rayonlarında və Lerik rayonunun dəniz səviyyəsindən 300 metr aşağıda yerləşən ərazilərində salınmış limon və kinkan bağlarına veriləcək.
