Limon satmaqla tanınan “Limonçik” Əli müsahibə verib. Bu haqda məlumatı Cenublu.az bu gün, 4 iyul tarixində BakuTV-yə istinadən verir.
Əlinin sözlərinə görə, onun limona marağı talış olmağından irəli gəlir. O, Moskvada bir limonu 15 min manata satdığını iddia edir:
“Pulu verdi ki, xərcləyərsən. Mən də ona limon verdim”.
“Limonçik” tanındıqdan sonra, əsasən, toylarda limonun birini 100 manata satdığını, efirə çıxmaq üçün qonorar aldığını da söyləyib:
“Bəzi blogerlər var ki, verilişlərə pul verib çıxırlar. Mən bunu heç vaxt etməmişəm”.
Əli Rusiyada ona ev verilməsindən də bəhs edib:
“Limon satırdım. Polislər dedilər ki, icra hakimi buraya gəlir, getməlisən. Nə qədər məcbur etsələr də, getmədim. Gələndə məni yanına çağırdı, öpdü, dedi ki, sabah ofisimə gələrsən. Gedəndə soruşdu ki, nəyə ehtiyacın var? Dedim ki, ev istəyirəm. Daha sonra mənə 2 otaqlı ev verildi”.
