Cəlilabad Rayon Heydər Əliyev Mərkəzində “Gənclər Həftəsi” çərçivəsində dəyirmi masa təşkil edilib. Bu haqda məlumatı Cenublu.az bu gün, 1 fevral tarixində verir.
“Vətənpərvər Azərbaycan Gəncləri” mövzusunda tədbir Heydər Əliyev Mərkəzində keçirilib. Görüşdə Rayon İcra Hakimiyyətinin Yetkinlik yaşına çatmayanların işləri və hüquqlarının müdafiəsi üzrə komissiyasının məsul katibi, Cəlilabad rayon gənclər və idman sektorunun müdiri və əməkdaşları, Heydər Əliyev Mərkəzinin direktoru, ADPU Cəlilabad filialının və Cəlilabad Tibb Kollecinin bir qrup tələbələri olmaqla 60 nəfər iştirak edib.
Yekunda rayonun ictimai-siyasi həyatında fəallıq göstərmiş bir qrup gənc təşəkkürnamələrlə təltif olunub.
Görüş Lənkəran–Astara Regional Gənclər və İdman İdarəsinin Cəlilabad rayonu üzrə gənclər və idman sektorunun təşkilatçılığı ilə həyata keçirilib.
