Cəlilabad Dövlət Rəsm Qalereyasında “Gənclər gələcəyimizdir” devizi altında sərgi təşkil edilib. Bu haqda məlumatı Cenublu.az bu gün, 1 fevral tarixində verir.
“Gənclər Həftəsi” çərçivəsində keçirilən sərgidə 30-dan çox gəncin əl işləri təqdim olunub. Gənc istedadlar Lənkəran-Astara Regional Gənclər və İdman İdarəsinin təşəkkürnamələri ilə təltif olunublar.
Tədbirə rayon gənclər və idman sektorunun müdiri və əməkdaşları, Regional Mədəniyyət İdarəsinin rayon üzrə nümayəndəsi, Cəlilabad Dövlət Rəsm Qalereyasının direktoru və əməkdaşları, ADPU Cəlilabad filialının və Tibb Kollecinin bir qrup tələbələri qoşulub.
Sərgi Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun təşkilatçılığı ilə baş tutub.
